Weltdag vum Schampes

4ten August

Dës Texter si fir jiddereen an och fir Leit, déi Lëtzebuergesch léieren. Vill Texter sinn oft ze komplizéiert an am Ufank ze schwéier. Ech schreiwen hei kuerz op einfacht Lëtzebuergesch an erkläert ënnert den Artikelen, déi ënnerstrache Wierder op Englesch.

 

Kättche, Kättche,

bréng mer nach e Pättchen.

Vun der Musel,

a soss keen!“          

Text: W. Goergen · Melodie: J. Eiffes

 

Wousst Dir, datt de 4. August de Weltdag vum Schampes ass? Wien drénkt net gär eng „Kippchen“ als Aperitif oder fir eppes ze feieren?

Schampes ass op der ganzer Welt beléift, de Weltkonsum gouf am Joer 2014 op 17,6 Milliounen Hektoliter geschätzt.

An Däitschland konsuméiert ee geschätzt 4,7 Fläschen op de Kapp d’Joer an a Frankräich sinn et 3,7 Fläschen op de Kapp. Mat ronn 54 Liter Wäin a Schampes zesummen drénkt de Lëtzebuerger statistesch gesinn vill méi wéi säin däitschen Noper.

Zënter Joren hu mir zu Lëtzebuerg richteg gudde Crémant. 2018 krut de Lëtzebuerger Crémant 17 Goldmedaillen beim Concours national des crémants de France et de Luxembourg.

Hei zu Lëtzebuerg gëtt de Crémant meeschtens aus Auxerrois, Riesling a Pinot blanc gemaach.

Wéi zerwéieren ech de Schampes/Crémant dann elo richteg?

Experte soen, datt de Schampes/Crémant am Beschten bei 8°-9°C ass an am Frigo leie soll. Et soll een d’Fläsch Schampes/Crémant nëmmen an de Freezer leeën, wann e séier kal muss ginn. Zum Beispill, wann onerwaart Gäscht kommen oder kee kale Schampes/Crémant méi do ass.

Et soll een d’Glieser och net an de Freezer maachen an och keen Äis dra maachen. Dëst schockéiert de Wäin an ass net gutt fir d’Bullen.

Wann Dir nach Schampes/Crémant Rescht hutt, da stellt d’Fläsch direkt zréck an de Frigo. Am Beschte mat engem spezielle Stopp fir Schampesfläschen. E Läffel an d’Fläsch ze stiechen, hëlleft leider net.  

Dir sollt de Schampes/Crémant, wann d’Fläsch op ass, och bannent engem Dag drénken.

Schampes/Crémant ass och kee Wäi fir laang ze halen, ausser ganz deiere Schampes mat engem Joergank.

Bei deem schéine Summerwieder, bleift eis da just nach eent ze soen: Prost!

Vocabulary:

Kättche(n)        =          Luxembourgish diminutive of Catherine

Schampes         =          Champagne / Crémant

Kippchen (f)      =          a glass of champagne (fam.) = syn.: eng Coupe (f)

op de Kapp       =          per capita

zerwéieren        =          to serve

Stopp (m)         =          a bottle cap / a cork

Läffel (m)          =          a spoon

bannent           =          within

Joergank (m)    =          vintage

Prost!               =          Cheers!

About the author

Tania Hoffmann
Tania Hoffmann

Luxembourgish, married, two furry kids, and in love with languages, I’m happy to share my knowledge of my mother tongue Luxembourgish with learners from all cultures and origins. I’m also working as a freelance translator and journalist/writer, mainly in Luxembourgish. Next to languages, I’m addicted to neuroscience and how our brains work. This neverending journey began with my certification as a NeuroLanguage Coach for Luxembourgish.